နာဂစ်ဆိုင်ကလုန်းမုန်တိုင်းကြောင့် အောက်မြန်မာနိုင်ငံတွင် ရေကြီးလျက်ရှိရာ တိုင်းနှင့်ပြည်နယ် အလိုက် ရေကြီးမှု အခြေအနေနှင့် ပတ်သက်၍ ကုလသမဂ္ဂ UNOSAT အဖွဲ့မှ မေ (၅) ရက် နေ့စွဲဖြင့် ဂြိုဟ်တုဓာတ်ပုံများ ထုတ်ပြန်ထားသည်။
အဆိုပါ ရေကြီးမှု ဂြိုဟ်တုဓာတ်ပုံများတွင် တိုင်းနှင့်ပြည်နယ်တို့၌ ရေကြီးနေမှုကို လူဦးရေအလိုက် စာရင်းဇယားများ ထုတ်ပြန်ထားသည့်အပြင် ရေကြီးသည့် ဧရိယာအလိုက် စာရင်းကိုပါ ထုတ်ပြန် ထားသည်။
ဧရာဝတီတိုင်း လပွတ္တာတွင် ရေကြီးမှုဒဏ်ခံရသည့် လူဦးရေ (၂) သိန်းကျော်သဖြင့် အများဆုံး ရေကြီးသည့် ဒဏ်ခံရသည့် ဒေသဖြစ်သည်။ ဘိုကလေးတွင် လူဦးရေ (၁၈၀,၀၀၀) ကျော် ရေကြီး သည့် ဒဏ်ခံနေရပြီး ဖျာပုံတွင် လူဦးရေ (၁၃၀,၀၀၀) ကျော် ရေကြီးသည့် ဒဏ်ခံနေရသည်။
ဧရာဝတီတိုင်းတွင် လူဦးရေ (၈) သိန်းခွဲကျော် ရေကြီးသည့် ဒဏ်ခံနေရပြီး ရန်ကုန်တိုင်းတွင် လူဦးရေ (၆) သိန်းနီးပါး ရေကြီးသည့်ဒဏ် ခံနေရသည်။ ။
|
