နာမည်ကျော်ရုပ်ရှင်သရုပ်ဆောင်နှင့် နာရေးကူညီမှုအသင်းဥက္ကဋ္ဌ ဦးကျော်သူ၏ အသက် (၅၀) ပြည့် ရွှေရတုမွေးနေ့ပွဲကို သူ၏ နေအိမ်၌ ယနေ့ကျင်းပရာ သူဖန်တီးထားသော ပန်းချီကားနှင့် ဓာတ်ပုံများကိုလည်း ပြသခဲ့ကြောင်း မွေးနေ့ပွဲတက်ရောက်ခဲ့ သူများက ပြောသည်။
 “လွတ်ငြိမ်းခွင့်ဆိုတဲ့ ပန်းချီကားလေးကို တော်တော်သဘောကျတယ်။ အကျဉ်းထောင်တခုကို အပေါ်စီးက မြင်ရသလို ဆွဲထားတာ။ အထဲမှာ ချိုးဖြူငှက်လေး ပျံနေတယ်။ ဒါပေမယ့် အဲဒီပန်းချီးကားရှေ့မှာ သံတံခါးကြီး ကာဆီးထားတယ်။ အဲလိုလေး ဖန်တီးထားတယ်။ အပြင်မှာ ပြမယ်ဆိုရင် ဆင်ဆာမလွတ်နိုင်တာတွေ ပါတာပေါ့။ သူက သူ့မွေးနေ့မှာ သူဖန်တီးထားတာလေးတွေကို ချပြသွားတာ” ဟု ထိုပွဲသို့ တက်ရောက်ခဲ့သည့် မဂ္ဂဇင်းသရုပ်ဖော် ပန်းချီဆရာတဦးက ပြောသည်။
ရုပ်ရှင်သရုပ်ဆောင် ဦးကျော်သူကလည်း “ကျနော်က ရုပ်ရှင်လောကထဲ မ၀င်ခင်ကတည်းက ပန်းချီဆွဲပါတယ်။ နောက်ရုပ်ရှင်လောကထဲ ရောက်ပြီး ပန်းချီမဆွဲဖြစ်တော့ဘူး။ ၂၀၀၇ စက်တင်ဘာ အရေးအခင်းအပြီးမှာ ကျနော့်ကို အနုပညာလုပ်ခွင့် ပိတ်လိုက်တော့ ကျနော် ခံစားရသမျှကို ပန်းချီ၊ ဓာတ်ပုံတွေနဲ့ အနုပညာအဖြစ် ပြန်ဖန်တီးလိုက်တာပါပဲ” ဟု ပြောသည်။
ယခု မွေးနေ့ပွဲတွင်ပြသခဲ့သော ပန်းချီနှင့်ဓာတ်ပုံများအား ပရိသတ်များကို ပြသလိုသော်လည်း ရုပ်ရှင်ရိုက်ခွင့်ကိုပင် အကန့်အသတ်မရှိ အပိတ်ပင်ခံထားရသော သူ့အနေဖြင့် ပြသခွင့်ရနိုင်လိမ့်မည်မဟုတ်ဟုလည်း ဦးကျော်သူက ပြောသည်။
မွေးနေ့ပွဲ ဖိတ်စာတွင် အချိန်ပေးနိုင်သလောက် သမိုင်းကိုတူးဖော်ကြရအောင်ဟု ရေးသားထားသကဲ့သို့ ဓာတ်ပုံအများစုမှာ နာဂစ်အခြေအနေဓာတ်ပုံများဖြစ်ကြောင်း မွေးနေ့ပွဲတက်ရောက်ခဲ့သူများက ပြောသည်။
“ဟုတ်ပါတယ်။ နာဂစ်ကူညီရေးသွားတုန်းက ကျနော်ရိုက်ကူးခဲ့တဲ့ပုံတွေ ပါပါတယ်။ ပန်းချီကတော့ ငြိမ်းချမ်းရေးနဲ့ လွတ်ငြိမ်းချမ်းသာခွင့်ကို အာရုံပြုပြီး ဆွဲထားတာတွေပါ။ ကျနော် modern တို့ realism တို့ မသိပါဘူး။ ကျနော်စိတ်ထဲ ရှိတာကိုပဲ ဆွဲတာပါ” ဟု ဦးကျော်သူက ရှင်းပြသည်။
မွေးနေ့ပွဲသို့ တက်ရောက်ခဲ့သည့် စာနယ်ဇင်းဆရာတဦးက ကျော်သူ၏ အနုပညာဖန်တီးချက်များမှာ စစ်အစိုးရအုပ်ချုပ်နေသရွေ့ အများပြည်သူသို့ ပြသခွင့်ရနိုင်မည် မထင်ကြောင်းနှင့် ဖန်တီးထားချက်များမှာ ကြည့်ရသူရင်ကို ထိမှန်သည်ဟု ပြောသည်။
ရုပ်ရှင်သရုပ်ဆောင်ကျော်သူ၏ ရွှေရတုမွေးနေ့ပွဲသို့ သံတမန်တချို့ပါဝင်သည့် ဧည့်ပရိသတ် (၂၀၀) ကျော်တက်ရောက်ပြီး ကျော်သူ ဖန်တီးထားသည့် ခရိုင်းလစ်ပန်းချီကား (၂၃) ကားနှင့် ဓာတ်ပုံ (၃၀) ကျော်ကို ကြည့်ရှုခံစားခဲ့ကြကြောင်း သိရသည်။
|
